TC36小記 (之一)
2004年8月29日 時晴時雨
8月29日出戰TC36公開組，原先7月玩的，打風改期，所以攪到無晒mood。賽前打算都係行番一個鐘頭4~5km，全程70km，即係預算15至18個鐘左右，唔算好快。畢竟依兩年讀書忙，都無乜做運動，無乜體能。而行山行澗又無好似早4~5年讀undergrad時幾乎個個星期都去行，攪到o的技巧生疏晒，無辦法，唯有盡力而為。而隊友其實都各有各忙，比賽時先算係第二次齊人(第一次就係equipment check!)，先前又無train過，唯有打天才波。
當日朝早真係倒x咁早起身，搭4:55分的巴士又屯門出荃灣，再轉巴士去沙田，火車去大學。大會又好約唔約，約係大學依個山卡拉站，既然book得車，就唔差在約早o的o係旺角太子等啦。
去到車站都見到唔少friend，有科大行山會o的friend，有o的定向的friend，又有o的BGCA的friend。排隊坐車去起點，都排到接近最後，有一個好唔客氣的哥哥命令我地上前一架車，但明顯之後o個架有好多位凈．．．
起點係馬鞍山golf場，registration同equipment都一般順利，唯大會沒有揚聲系統示指賽員，去到有o的迷忙。
出發，o的攝影哥哥唔識do，竟然正面企o係起點線前！一開始原golf場跑一個圈，我地team就o係跑完圈時間排第三(最係都係第三)，之後跑了一段山路就落海綑邊，綑了80至100米見到岸邊有山路，咁就上去沿山路去。
跑到烏溪沙營地，上單車，踩去梅子林，出o左車之後發覺有隊junior唔知幾時過o左我地頭，因為我地一直都以為自己overall第三，不過都求其啦，反正都唔同組。去到依度以甩開其他組，同計劃一樣，如果唔係之後一定比人jam到傻！
到梅子林R位後沿馬路接山路去馬大石澗中段的壩，o係依段山路甩o左果隊junior同一隊open。到壩之後就上溯到英雄崖。那裡有一個task，就係游水去個瀑度，跟位返轉頭。其實我估如果唔係落住雨的話應該係跳崖的。之後再沿澗上溯，因為之前落o左幾日雨，水位升o左最少一尺，增加了行的難度，加上不斷落的雨令到石面好潮濕，所以有部份時間都係o係水中直過。行澗途中被先頭過o左果兩隊追番過頭。
去到澗頂後沿鹿巢山落返梅子林，中途過返隊junior同open，之後踩車去碧濤花園隔離個艇會，扒了１km多少少橡皮艇，再踩車去體院隔離的公園，完成所有單車的路段。而之後就無乜見過其他賽員了，好似得自己o係度玩咁．．．
落車後大會大support point，補給，見到陳sir。佢問我條course掂唔掂，我果時話到而家都超掂，如果而家再問我我會話到城門主壩finish就perfect，因為之後玩既然唔多，主要都係行山。
補給後經火炭上黃竹洋，到黃竹洋係之到下一個point就城門主壩了，做route choice，揀了向南，路口轉向東上針山ridge的路。但去到竟然見到有會用紅白tape封了！討論了一陣是否夾硬去，結果都無，唯有揀另一條路。結果行山南面繞過河谷的路，一樣去番針山ridge，沿馬路去到臨上頂前沿小路落山，再行車路到主壩。(之後聽返隊junior講佢地無行封o左邊路，但就落o左華翠園，發覺唔對路，打電話問大會，大會竟然唔知果度封o左，仲話係要行果條路，頂！)
落到城門主壩後好多人拍video，我地一邊support一邊比佢地訪問。當然最重要係多謝我地的一人support “team” Franco幫手又煮野又拎野！
TC36小記 (之二)
到城門主壩大約賽了38km，用了6小時40分鐘。Support point前間中都有跑下，不過之後大家都開始無貨了，主要都係行。休息了20分鐘後繼續前進，沿城門水塘行山徑至楓葉潭，著harness同救生衣落水攀繩梯。之後上溯肥佬麥出澗，再沿小路上岩頭頂亭。大約六點零到達，頂上大風及寒冷異常，難為了守point的工作人員。
之後上大帽山頂落扶輪公園，落山時因為太大風及太凍，所以焗跑。去到扶輪公園point玩歷奇活動invisible maze的紙上版，過了之後就到support point 2。
Support point 2有阿倫，Tony同小劉。換一換襪，加件風褸，同埋食野，休息了大約20分鐘。多謝阿倫，Tony同小劉煮野食同拎野，要久等同食風辛苦晒。(我見好似好多隊的support team都有車...)
繼續行程，到荃錦凹林務站，再到白石橋。在白石橋後定向，1:10000定向圖，以為係自己強項，點知仆直。第一二個point山洞同崖都好快到，第三個point山洞就出事了，又off-trail又要穿林，加埋落雨大霧搞到能見度得番十零米。用晒所有技術attack point，aiming off等都搵唔到，不斷地re-location，花了超過個半鐘。之後誤打誤撞搵到個point！4號point圍欄，無難度。5號point就因為白林，到point附近唔知自己係邊，只見到一個唔係自己條course的marker。個point係去空鄺地入林到林中空地的地洞，同阿泰行了兩轉都覺得唔似，唯有re-locate，阿泰沿上山的路試途re-locate，見到end point，原來我地犯了parallel error，不過都唔緊要了，因為大會話取消定向活動(無計，真係太大霧)。後來(在大會cancel比賽後)發現原來open同junior的course係唔同的。junior較易，大約係color code紅綠色難度，而open就有藍啡色了。但始終最大問題都係大霧，如果天晴的話，打果5個point應該都係半個鐘倒！
定向後的point係花山小學，之後就係圓墩。離開花山point時比隊junior追到。我地經元荃古道，在一個路口比路牌坤o左落清快塘，不過睇map去圓墩都係差唔多，所以繼續，去到圓墩時比隊junior快我地少少(十分鐘到啦)。不過大會話取消比賽，所以距離終點大欖主壩大約5km都無得行，很可借！以圓墩完成計，行山65km，16個鐘鬆o的，open組第三。
大會o係圓墩話會有車載我地走，但係屯門公路撞車，要等個零兩個鐘。圓墩果個環境等個零兩個鐘一定暴寒，唯有call屋企人車，好在都唔駛幾耐就到。o係度等車時唔知做o左乜野，比大會一個工作人員嚮全朵寸同教訓，啞o左．．．
之後返到屋企沖涼後就訓覺，睇睇鐘，都成4點幾。
其他賽員的support攝於城門
deleted
實在太大了, 唔識轉細一些, 唔post.
Franco你delete返張相,email個original比我,我可以幫你convert再post番出黎!
遲o下我開個班講o下o的簡單的image processing.
張大相無左 lor!
-
Results:
http://teamchallenge.bgca.org.hk/final-result.htm
恭喜
我當時都覺得個女仔似Pauline, 原來真係
恭喜晒
http://www.hkcommunity.net/asx/2004/day5/20040910-day5.asx
有 franco, 亞泰講野喎!
仲見亞聰, 峰, pauline, 兆呀
thx...但係我地係2:30到城門...唔係4點啊...
聽日囉獎?!
影 D 靚相威威相返來睇啦!
有冇兄弟姊妹中招(受老鼠尿污染)
我地收到衛生署電話, 下個星期會去驗血
但係都成個月, 有事都應該病發o左....