同社咖啡室

標題: 北京奧運之旅 [打印本頁]
作者: 鄧姑    時間: 2008-8-4 12:04
標題: 北京奧運之旅
我在這星期四(7/8)便會起程往北京,此行除觀看奧運開幕禮及幾場賽事外, 亦想感受一下首都的奧運熱,一生人一次,點都要為國家贈興的...

希望能看到平安奧運和有素質的奧運!

除北京外..我還會試搭京津城際鐵路往天津, 感受此高速火車的威力..

再往青島觀看奧運帆船比賽....8月18日由青島飛回港..

我會影多些相..回來後再同大家分享...

[ 本帖最後由 鄧姑 於 2008-8-4 12:07 編輯 ]
作者: 吳騰斗    時間: 2008-8-4 21:43
最好每日有文字報導,像記者一樣傳回同社
作者: 吳騰斗    時間: 2008-8-4 21:43
最好每日有文字報導,像記者一樣傳回同社
作者: 鄧姑    時間: 2008-8-7 13:17
Bye..Bye..各位..我要起程了...

據聞我會與香港某高官同機, 所以要預早到機場進行安檢...哈哈..唔知是誰呢???

18/8 回來再見..至於可否每天都有文字報導...我諗有難度了...因留京數天..差不多每天都有賽事要睇...日日排隊進場都可能排餐飽啦...
作者: 鄧姑    時間: 2008-8-19 00:00
Hi~~~各位..我回來了...
作者: 鄧姑    時間: 2008-8-20 00:03
剛飛抵北京, 當然要逛一逛新建成的三號客運大樓, 聞說這個客運大廈的設計師是跟我們香港國際機場是同出一人手筆, 所以首都機場給我地香港人的印象是熟口熟面, 不過首都機場看似大得多, 由於要配合奧運的傳宣, 機場更新增了5個機械福娃, 今次好好彩係咁大個機場都比我捉到歡歡影番張相.

作者: 鄧姑    時間: 2008-8-20 00:23
北京街頭到處都是民警...武警..還有許多由民間自發性參與的首都治安自願者, 有年輕的學生..亦有退休的公公..婆婆...一時間走在街上你會感到好安全..而義工們亦非常熱心...無論你是問路..或查詢奧運資料..又或閒聊奧運在他們心中的價值...他們也會詳盡的給你解答..


[ 本帖最後由 鄧姑 於 2008-8-20 00:25 編輯 ]
作者: 鄧姑    時間: 2008-8-20 00:42
今次往北京...我每天都乘搭地鐵到處逛, 北京地鐵給我的印象是很乾淨...超便宜(無論去那一個站, 不論長短, 都是兩蚊人仔, 超抵),為免麻煩我在第一日便買了張IC卡搭地鐵, 點知仲抵, 有6折, 每程只係一蚊幾毫便可以周圍去....
除了一號線較舊及擠迫外, 其餘都很新及少人,非常舒服.. 而北京各名勝如天安門...王府井..圓明園..天壇..等等...通通都可以搭地鐵去...



[ 本帖最後由 鄧姑 於 2008-8-20 01:22 編輯 ]
作者: 鄧姑    時間: 2008-8-20 00:52
由於奧運關係..每次進入地鐵站/火車站, 都要進行安檢, 如發現有液體..如水..都要在安檢人員面前飲一啖, 以示真係清水..攪到我成日都要飲水..

作者: 鄧姑    時間: 2008-8-20 01:04
奧運氣氛在北京非常熾熱...到處都掛滿彩旗...人民頭上..臉上..車上都貼上奧運標誌, 如果你隨便向你身邊路人說聲"中國加油", 便有好多人跟著附和...大家為了這次奧運都感到很光榮...開心...[size]



[ 本帖最後由 鄧姑 於 2008-8-20 11:36 編輯 ]
作者: 鄧姑    時間: 2008-8-20 01:13
8月8日由於要進場看奧運開幕禮...午餐過後便開始出發入場...首先乘地鐵往北土城站...那裡守衛很嚴, 沒有門票的, 一律不淮走近閘口..

作者: 鄧姑    時間: 2008-8-20 09:48
一步入禁區, 安檢便非常嚴密, 除檢查身份證, 門票外, 還要用儀器搜身...所有一切違禁品不准帶進場, 包括一切食品飲品...

還有一切液體~~今次係佢地面前飲水都冇用, 可憐那跟左我十多年的水壺, 就在此處要拋棄, 真慘...

有朋友帶左一支好少份量的防曬護膚液, 他們搜到後倒了少許在枱上,則時用火機燒, 可能有酒精成份發覺可燒得著,那支液除拋棄外, 我朋友更要入房作更徹底的搜查...

作者: 鄧姑    時間: 2008-8-20 10:01
通過一輪安檢後便進入通往奧運會場的地鐵, 原來北京因此次奧運加建一條新地鐵線名為奧運中心線, 內有三個站, 分別為奧體中心(鳥巢/水立方站), 奧運村及奧運公園站, 但現時只開放鳥巢/水立方站, 其餘都關閉...

除手持奧運門票外,其餘一般民眾也不可乘搭..

這個站又幾有特色的...



[ 本帖最後由 鄧姑 於 2008-8-20 10:03 編輯 ]
作者: 鄧姑    時間: 2008-8-20 10:13
由於時間尚早...在奧運村內我便到處逛...嘩..嘩..奧運村好大呀..我站在街中...完全望唔到街尾..

為了娛眾..仲有花車遊行..

作者: 鄧姑    時間: 2008-8-20 10:31
鳥巢...水立方的日與夜..

[attach]2030[/attach]

[ 本帖最後由 鄧姑 於 2008-8-20 10:41 編輯 ]
作者: 鄧姑    時間: 2008-8-20 11:24
好辛苦排左3個鐘頭..終於入到會場...場內好大..亦好悶熱..

奧運開幕禮把我震撼了, 我一邊看、一邊感動得流著淚, 一個無械可擊的開幕禮, 勝過了世界歷史中所有的開幕禮...

千五人擊鼓, 齊整、同心, 人的實力超越了科技; 郎郎與四川生還小姑娘, 溫馨仁愛; 絲綢舞蹈, 背後可歌可泣的犧牲;

中國四大發明, 歷史中帥領世界; 卷軸科藝, 盡寫我國輝煌; 李寧點燃聖火, 燃點了希望的開始...

[attach]2048[/attach]

[ 本帖最後由 鄧姑 於 2008-8-20 11:44 編輯 ]
作者: 鄧姑    時間: 2008-8-20 11:57
整個節目維時4個鐘...最悶是各國運動員進場..好多國家都唔識..仲行成2個鐘..初初都幾興奮..猛拍掌..後來差d訓著...

在進場前由於唔准帶飲品及食物..故唯有幫襯唯一食店~~~麥記..30幾蚊一個包..超貴..

後來被我發現有樣野..幾好食..又平呀..哈哈

自熱飯盒..撕爛包水接觸到個化學包就係8分鐘內蒸熱盒飯, 只賣20皮..一d唔貴



[ 本帖最後由 鄧姑 於 2008-8-20 14:53 編輯 ]
作者: 鄧姑    時間: 2008-8-20 12:09
除了開幕禮...翌日我亦在國家體育館觀看了男子體操初賽第三場...

作者: 鄧姑    時間: 2008-8-20 13:19
此次北京行除了奧運村外..王府井也是我常去的地方...那裡有好多野食...好多店舖行..更好的是有好多奧運紀念品賣...



[ 本帖最後由 鄧姑 於 2008-8-20 13:21 編輯 ]
作者: 鄧姑    時間: 2008-8-20 13:24
大家留意下這件東西...在任何一個地鐵站...奧運場館都有擺放..你知唔知佢係咩...~~~答案是爆炸品處理器


[ 本帖最後由 鄧姑 於 2008-8-20 20:23 編輯 ]
作者: 鄧姑    時間: 2008-8-20 13:30
炎炎夏日..北京到處都見荷花....

[ 本帖最後由 鄧姑 於 2008-8-20 20:24 編輯 ]
作者: 鄧姑    時間: 2008-8-20 13:37
京津城際鐵路..由北京往天津只需26分鐘...票價58元...每10分鐘開出一班..非常方便...而個火車站又新又大...據聞是全亞洲最大的火車站,
火車行車時相當穩定, 完全感覺唔到架車係300km/hr.咁高速..



[ 本帖最後由 鄧姑 於 2008-8-21 12:14 編輯 ]
作者: 鄧姑    時間: 2008-8-20 13:44
北京近年都多了很多新建設...晚上天安門一帶燈火通明..非常靚..而另一靚點便是北京國家劇院..(又名水煮蛋)...你地話似唔似..

下次如有機會..我一定會去棒場..聽番一兩場音樂會先...

作者: 鄧姑    時間: 2008-8-20 13:56
在天津我住在一間民宿...位於市中心交通方便...整棟大廈猶如香港沙田"駿X園"般, 屋內兩廳兩房..廚房/廁所..廿四小時冷/熱水/空調供應, 每日租金都只係260蚊人仔/一層樓, 好抵...

可惜..掛住睇奧運.唔記得影相..

等我留低資料在這裡..日後有機會去天津玩...多一個住宿選擇...

電話: 13920083278 黨小姐

[ 本帖最後由 鄧姑 於 2008-8-20 20:25 編輯 ]
作者: 鄧姑    時間: 2008-8-20 14:03
在天津奧林匹克中心會場...主要是足球比賽..那天我去到仍然有門票賣...80蚊一張, 幾抵睇..不過, 我太累又太夜了...所以冇睇...

作者: 鄧姑    時間: 2008-8-20 14:12
天津著名飽點狗不理...當然要試下啦...走進那自命百年老店...45蚊一竉狗不理(共8個)...雖然貴都試下..味道都唔錯..

點知走到另一食街...通街都話自己係百年老店...但"狗不理"飽卻是10蚊一竉(共10個)...試食下味道質感都一樣...真..真激死...

作者: 鄧姑    時間: 2008-8-20 14:21
由天津往青島...坐"和諧號"動車組..5小時車程便到...很舒服..票價200蚊...

青島火車站宏偉又有氣派...

作者: 鄧姑    時間: 2008-8-20 14:26
青島奧運帆船賽..10蚊門票便可進場睇賽事...

作者: 鄧姑    時間: 2008-8-20 14:34
票價點解咁平...因距離遠..整個賽事你未必睇到, 不過到現場感受下d 氣氛也唔錯..

作者: 鄧姑    時間: 2008-8-20 14:51
總括來說..這次行程可說是"不枉此行"...除能感受奧運氣氛外..也覺得這次北京辦奧運確是費盡無數心機..心血...

是認認真真的向全世界說..中國百年奧運夢已達成...

行程中除安檢及在青島住酒店要被隔離感到有些不開心外, 其他一切也覺新鮮..有所得著..

北京奧運相信此生只此一次了...
作者: 何思銘(高佬)    時間: 2008-9-3 15:00
慚愧慚愧, 鄧姑響開幕式坐邊? 睇個樣似坐下面, 點解我見唔到你? 你坐邊個看台呀? 實在慚愧, 你搵我既話, 我即刻過黎嘛
作者: 鄧姑    時間: 2008-9-3 21:36
原帖由 何思銘(高佬) 於 2008-9-3 15:00 發表
慚愧慚愧, 鄧姑響開幕式坐邊? 睇個樣似坐下面, 點解我見唔到你? 你坐邊個看台呀? 實在慚愧, 你搵我既話, 我即刻過黎嘛


我邊有咁富貴坐下面呀...我坐G那邊最高層..不過..因為太焗熱啦..被我偷偷地跟人衫尾"鼠"左入下面影相....

我在奧運村時曾成日向高處望..睇下見唔見到你架...
作者: 何思銘(高佬)    時間: 2008-9-3 22:10
我都唔響奧運村, 大家成日講奧運村係唔係鳥巢水立方同體育館塊大公園呀, 呢個叫公共區OCD(Olympic Common Domain), 我呢幾日真係日日響鳥巢架, 出面OCD真係曬得死人架

我響開幕式就響下層, 比賽就響上層, 難怪難怪, 我見住李寧吊上去, 就響我前面乍

[ 本帖最後由 何思銘(高佬) 於 2008-9-3 22:12 編輯 ]
作者: 鄧姑    時間: 2008-9-3 22:26
李寧令我好失望呀... 又大肚腩..又M 字頭...曾幾何時佢係我偶像黎架... 不過, 我都欣賞佢d毅力..

冇錯..那個OCD係我指的奧運村公園...日頭真係曬死人架...搵棵樹遮下都冇...所以我一入場就走左去紀念品店..間店舖又大又涼又多0野賣...

鳥巢唔知係咪外圍用鐵包住的關係, 我入左去兩次都係焗到死的....

國家體育館同水立方就最舒服..入面很涼快的...
作者: 鄧姑    時間: 2008-9-5 09:32
何思銘..你好威呀..原來在8月初明報有介紹你呀..睇睇剪報...



港義工鳥巢就位出擊

--------------------------------------------------------------------------------
2008-08-03 06:00:00  


【明報專訊】香港奧運義工團「大隊」昨日才從陸路抵達北京，其實早在上周， 10名香港義工已經先到,並進駐鳥巢為奧運「最後備戰」。在鳥巢經過幾課培訓，他們遇到不少趣事﹕鳥巢的小翅膀在哪裏？培訓竟要男扮女裝？有望見證劉翔再創歷史的港人，率先披露幕後點滴。

Wesley：辭職償心願

在暨南大學畢業後，一直於深圳工作的何思銘（ Wesley），為了一嘗擔任奧運義工的心願，不惜辭掉工作。最終有幸分派到鳥巢負責引導觀眾的工作，他當然喜出望外。接受了幾課培訓，最叫 Wesley感到新鮮的是內地專用名詞。他表示﹕「頭幾課培訓要我們熟習鳥巢，其中有一個地方叫做『小翅膀』，一聽立即一頭霧水。原來『小翅膀』就是鳥巢內的售票處，由於售票亭頂部設計貌似翅膀，所以大家都將售票處叫小翅膀』。」

Ling姐：初踏鳥巢即迷路

同樣負責引路工作的吳建玲（ Ling姐），甫進鳥巢的第一件事，竟是訓練自己要迷路。她笑言幸好平時有「習舞」的習慣，否則肯定累得雙腿沒知覺﹕「還記得頭 2課培訓是要我們『撞板』，走遍鳥巢內的大小通道。我已屬『老人家』的年紀，幸好平常有跳舞，練慣腳骨力。」培訓亦大玩「角色扮演」，訓練大家處理各種突發事情，例如 Ling姐曾飾演老人家一角﹕「香港人最玩得，我曾扮成走失了孫兒的老人家，沒有道具，卻要裝作有拐杖，可扮得挺神似，而 Wesley更要扮女人呢！」

David：貼紙隨時遮 logo

江浩然（ David）則會駐守包廂席，主要負責分隔傳媒和貴賓。培訓期間最令他難忘的，卻是大會教導如何處理非贊助商的服裝。「如果有部分人士穿著印有非指定贊助商標誌的衣飾，首先的處理方法是請求觀眾把衣服反轉穿上；如果仍有大標誌，我們便會派發奧運貼紙，讓他們把標誌遮蓋。」

Malvin：為劉翔甘成箭靶

至於同樣替觀眾引路的高匯磯（ Malvin），則為了迎接劉翔做足準備﹕「假如劉翔跑決賽，對面看台的觀眾為了可以近距離看他，可能會湧到 100米賽道那邊，到時我們必須耐心地勸服他們。做義工，早有成為箭靶的心理準備，但能為奧運出一分力，絕對值得。」

明報記者李思詠北京直擊
作者: 鄧姑    時間: 2008-9-5 09:34
重有相添...

作者: 何思銘(高佬)    時間: 2008-9-8 15:47
失禮..........唔想太張揚嘛, 其實另一份內地報紙都有訪問我, 但內容就重差過明報, 我都無留.......



歡迎光臨 同社咖啡室 (http://www.akinalliance.org/discuz/) Powered by Discuz! X3.3