真係天公做美!! 今日天氣雖然悶熱, 但比起之前日日雨天來得好!! 先前擔心連BBQ都取消左, 到果日點算好? 誰知今朝一起身, 已見天色明朗, 我就知道係我地既愛心感動倒天喇!! (對不起, 有點激動!!)
相信今日好多人都付出左佢地既"第一次"俾呢班智障人仕, 佢地都好投入, 好用心去做!! 呢次活動既意義, 係希望各位可以擴闊眼光, 接觸社會上唔同階層既人, 從而獲得唔同既啟發!!
我相信今日一定會有人唔接受/接納呢班人/呢次活動, 但請佢地記住呢種感覺, 話唔定享將來既某個日子, 享某件事件上, 呢種感覺會令你地有新/另一種領會! 冇絕對既"對"與"不對", "應該"與"不應該"; 有體會同感受, 已係呢次活動既成效!!
要做一個義工係好容易, 可能講緊係照顧到而又唔令個client受傷就得; 但要做到義工本身同client都有得著既相贏局面, 係須要有無限既耐心同愛心, 一d都唔容易咖!! 你地又願唔願意接受呢個挑戰?
多謝今日所有既義工, 帶俾保良局智障組既院友一個愉快既星期日!!
P.S. 如欲想知道更多有關同社社工組既野, 唔洗怕醜, 隨時黎搵我啦!!
我返到屋企啦!
雖然我唔能夠同大家一齊分享服務o既喜悅,
但係我都有掛住你地咖!
希望下次o既獨居老人服務都一樣咁成功啦!
係喎, 你點呀? 聽聞你身體不適喎?? anyway, 早日康復!